Shefi më i famshëm i kuzhinës në Shqipëri, Renato Mekolli nuk është përfolur kurrë në mediat rozë për jetën e tij private.
Në një intervistë për revistën “Class” ai foli rreth kësaj çeshtje duke thënë se nuk ka në mend të ekspozojë as familjen e as personin që ka në krah sepse në fokus të publikut do që të jetë puna e tij.
“Jeta private, pastaj është pjesë tjetër. Me të nuk kam shitur dhe nuk do të shes kurrë. Familja ime është një gjë shumë e shenjtë, njeriu im është diçka shumë e shenjtë. Kur ka dalë familja një herë të vetme në ekran, po drishesha i tëri, nuk dija çfarë të thoja, humba komplet ekuilibrin dhe nuk isha më unë. Familja dhe njeriu im është një gjë shumë e shenjtë, nuk ka pse të dalë…. As ajo nuk ka pse të dalë. Përderisa me këtë person, unë nuk kam vendosur të martohem dhe të jemi zyrtarisht bashkë, pse të dalë? Të bësh këtë gjë që bëjnë shumë, të shesin personin e tyre nga mëngjesi në darkë që të bëjnë lajm, të kënaqen dhe ta publikojnë në Instagram dhe në FB në çdo mënyrë, që të diskutohen, për mua është e pakonceptueshme” – u shpreh Renato.
