Meghan Markle dhe Jessica Mulroney, sipërmarrëse dhe influencuese, kanë qenë shoqe të ngushta prej një kohe shumë të gjatë, mirëpo ditët e fundit raportohet se ato i kanë dhënë fund miqësisë së tyre.
Si nisi e gjitha?
Sasha Exeter, një blogere kanadeze me ngjyrë, u bëri thirrje të gjitha influencueseve të mediave sociale që të përdornin platformat e tyre për të promovuar antiracizmin.
Sipas Sasha-s, Jessica u ofendua nga ky postim dhe kontaktoi disa marka për t’u folur keq për Sasha-n dhe për të ndikuar që ato të mos bashkëpunonin më me të.
Madje, Sasha pretendon se pas kësaj, Jessica e ka kërcënuar dhe kjo gjë ka nxitur reagime të shumta në rrjetet sociale, ku njerëzit e kanë kritikuar ashpër dhe e kanë quajtur mikeshën e dukeshës raciste.
Cila është restoja që mori Jessica nga kjo?
Fakti që Jessica u përfshi në këtë skandal, bëri që programi i saj në Netflix të anulohej. Ajo njoftoi se do të distancohej nga jeta publike dhe se do ta përdorte këtë situatë si një mundësi për të reflektuar dhe për t’u rritur.
Gjithashtu ajo kërkoi falje publike, duke përfshirë edhe një koment publik në videon e Sasha-s, ku theksonte miqësinë e saj të gjatë me Meghan Markle, për të treguar se nuk ishte raciste, përderisa mikesha e saj më e mirë ishte me ngjyrë.
Prisni pak! Sepse kjo u mendua fillimisht se solli edhe krisjen e miqësisë mes vajzave.
Pse?
Sipas burimeve për Daily Mail, Meghan është ndjerë shumë keq që emri i saj u përfshi në një situatë kaq të rrëmujshme. Ajo tha se Jessica nuk është raciste, por e ka menaxhuar keq situatën me Sasha-n.
Mirëpo, e vërteta mund të jetë ndryshe.
Sipas një burimi për Page Six, edhe pse Jessica ishte në dasmën dhe baby shower-in e Meghan-it, kjo e fundit është përpjekur gjithmonë e më shumë të krijonte distancë me mikeshën e ngushtë, pasi mendonte se Jessica donte të përfitonte nga statusi i saj mbretëror.
‘Miqësia e tyre nuk është padyshim ashtu siç ishte. Dhe me të vërtetë, si mund të kesh një miqësi kaq të ngushtë kur një person në thelb po bën një karrierë jashtë miqësisë? ‘
Ndërkohë një burim tjetër shtoi se Meghan donte vetëm një justifikim për ta shkëputur marrëdhënien me Jessica-n njëherë e përgjithmonë.
Kështu, mendohet se me skandalin e fundit në të cilin u përfshi Jessica , Meghan gjeti arsyen për t’i dhënë fund shoqërisë.
