Në përfundim të sezonit të tretë të “Shiko kush luan”, Luana Vjollca tregoi një surprizë për publikun.
Moderatorja u shpreh se këtë herë nuk do të presim shtatorin për ta parë në ekran, pasi shumë shpejt ajo do të nisë një sfidë ne një emision tjetër.
Detajet i la pa na i zbuluar, megjithatë tha se rikthehet pas 1 ose 2 muajsh.
Periudha ‘brenda një muaji apo dy’ përkon fiks me kohën kur është parashikuar të zhvillohet “Big Brother”.
‘Në studion e re të televizionit, Nova, e cila ka një hapësirë prej rreth 2000 metrave katrorë aktualisht po finalizohet shtëpia për ‘Hell’s Kitchen’ që nis në muajin Tetor dhe përfundon në Janar. Planet janë që po e njejta shtëpi të modifikohet përgjatë periudhës Janar-Shkurt dhe tek ajo të realizohet edicioni i ri i Big-ut nga pjesa e dytë e muajit Mars deri në fund të Qershorit 2020, gjithmonë nëse gjërat nuk dështojnë rrugës.’- u shpreh një burim pë “Prive.al” pak kohë më parë.
Kjo e gjitha është një aludim i bazuar mbi disa të dhëna, megjithatë nëse do të jetë lajm i vërtetë Luana me siguri do na i zbulojë së shpejti.
