Kim Kardashian e ka nxjerrë vetë lajmin e pritjes së një fëmije të katërt nga një nënë mbartëse dhe askush tjetër nuk ka spiunuar!
Ylli 38-vjeçar i “Keeping Up with the Kardashians” ka treguar në promon e episiodit të radhës së reality show-t se ka qenë e dehur kur ka folur për shtatzëninë.
E pyetur nga Scott Disick ajo tha se as nuk e mban mend se kujt i ka thënë, por dyshohet të ketë folur me shumë persona në festën e organizuar për Krishtlindje.
“Si është e mundur që të gjithë e mësuan për shtatzëninë?”, e pyeti Scott Disick në prani edhe të Khloe Kardashian.
“Unë i thashë dikujt në prag të Krishtlindjes dhe nuk mbaj mend kujt i thashë sepse isha e dehur”, i përgjigjet Kim.
“Është faji im, kjo është arsyeja përse unë nuk pi”, vijoi Kim.
Ajo u shpreh se kishte shumë ankth kur mësoi se do të bëhej nënë e katër fëmijëve duke qenë se tre të parët ishin ende poshtë moshës 5-vjeçare.
