Mbrëmjen e djeshme kanë plasur çokollatat në emisionin “Për’puthen”.
Teksa në studio u komentuan puthjet e famshme që kanë ndodhur gjatë emisionit, të cilat po vijnë duke u shtuar dita ditës.
Bora e vuri në siklet Atdheun duke e pyetur se cila prej puthjeve i pëlqeu më shumë, ajo me Anën apo ajo me Sarën.
Atdheu tregoi se puthja me Anën ishte më e ndjerë, ndërsa puthja me Sarën kishte gjithashtu emocion.
Teksa Atdheu përgjigjej, Andi mori fjalën dhe tregoi se i pëlqeu shumë puthja me Jasminin dhe kërkoi leje të bënte diçka. Ai u çua dhe mori një dhuratë, ndërsa të njëjtën gjë bëri edhe Atdheu.3
Dy djemtë i dhanë të njëjtat dhurata vajzave, një orë rëre, teksa i dhuruan gjithashtu puthje në buzë “partnereve” përkatëse.
Jasmina u pa shumë e emocionuar pas puthjes me Andin dhe gjithashtu i konfirmoi Arjanit se kishte përjetuar aq shumë emocione, sa kishte nisur të dridhej prej tyre.
Ajo e ka pranuar që prej fillimit tërheqjen për Andin dhe duket se ky pëlqim po i kthehet në ndjenjë më të fortë. Aq sa Jasmina e ka pranuar në InstaStory-n e saj se “është dashuruar”.
“Ngaqë u dashurova, kam harruar ta ndaj me ju, sorry…”- shkruan ajo, duke vazhduar t’i tregojë vajzave produktet e kozmetikës.
Epo, kjo ishte deklaratë e fortë!
