Ish-moderatorja e emisionit “Trokit” në “InTV”, Sara Gjordeni, është një ndër vajzat më të ndjekura në rrjete sociale.
Ajo ndan me ndjekësit përditshmërinë e saj apo këshilla të ndryshme për fansat, duke qëndruar sa më afër publikut që e mbështet.
Nëse nuk e kishit vënë re, Sara ka një ngjashmëri të madhe me Kylie Jenner dhe ndjekësit ia kanë thënë vazhdimisht këtë.
Madje, sot ajo do të jetë e ftuar në emisionin “Ftesë në pesë” me Bieta Sulon, si “Kylie Jenner shqiptare”.
Ajo vetë nuk mendon kështu, siç ka treguar në një postim në Instagram.
“Kylie Jenner shqiptare? Personalisht nuk mendoj kështu, por le të flasim për këtë me Bieta Sulon në “Ftesë në Pesë”- shkruan Sara krahas fotos ku duket identike e Kylie-t!
Madje, po t’i hedhim një sy fotove të tyre, s’do të gjejmë dot asnjë dallim mes vajzave!
Nëse s’po i dalloni, në foton lart është Sara, ndërsa poshtë saj Kylie.
