Cristiano Ronaldo dhe Georgina Rodriguez janë një çift që shumë mund t’i kenë zili. Shpesh kur Georgina flet për Ronaldon, e përshkruan atë si partnerin perfekt, të pasur, të edukuar, me një karrierë që shumë ia kanë zili.
Së fundmi, modelja ka folur përsëri për futbollistin e njohur të cilin e ka vlerësuar duke u shprehur se ai është shembull për shumë meshkuj. 28-vjeçarja tregoi se ai ka shumë gjëra të mira por gjithashtu ka një defect dhe është pikërisht fakti që futbollisti nuk di të gatuajë.
“Cristiano është një super baba dhe partneri më i mirë që mund të ëndërroja ndonjëherë. Defekti i tij i vetëm? Ronaldo nuk gatuan. Ne kemi një kuzhinier, por ndonjëherë gatuaj vetë”, u shpreh ajo.
Siç u zbulua nga mediat e huaja pak kohë më parë, pesë herë fituesi i “Topit të Artë” po kërkonte prej kohësh një kuzhinier të aftë për të përgatitur pjata tradicionale portugeze, por edhe sushi e pica. Pas disa përzgjedhjeve, Ronaldo arriti të punësonte personin e duhur, i cili aktualisht alternohet me Georginën, së cilës i pëlqen gjithashtu të kalojë kohë në kuzhinë.
