Aktorët e telenovelave turke Burak Ozçivit dhe Fahryie Evcen janë një nga çiftet më të dashur për publikun shqiptar dhe mjaft të përfolur për martesen e tyre.
Ata janë mjaft aktivë në rrjetet sociale dhe herë pas here na kënaqin me postimet ku shfaqen së bashku ose me të voglin e tyre në Instagram.
Dy aktorët e njohur turq u bënë prindër për herë të parë më 13 prill 2019 dhe djali i tyre është pagëzuar me emrin Karan.
Mirëpo, së fundmi ata janë vendosur sërish në qendër të vëmendjes pasi po përfliten sërish se ata po shkojnë drejt divorcit.
Disa muaj më parë, babai i Fahrye u nda nga jeta dhe kjo e fundit ra në depresion pas vdekjes së tij, i cili kishte kohë që luftonte me kancerin e stomakut.
Sipas asaj që flitet lart e poshtë, Burak i ka kërkuar asaj që të ndiqte disa seanca te psikologu, mirëpo bashkëshortja e tij nuk ka qenë e këtij mendimi.
Po ashtu, mediat turke raportojnë se problemi më i madh i çiftit ishte edukimi i djalit të tyre, duke mos pasur pajtueshmëri në lidhje me rritjen e tij dhe si pasojë kanë përjetuar shumë konflikte.
Megjithatë vlen të theksohet se ata janë vënë shpeshherë në qendër të mediave për një divorc të mundshëm, por çdo gjë deri tani ka rezultuar të jetë në kuadrin e thashethemeve. Pas pushimeve në Bodrum dyshja janë fotografuar në një nga restorantet në Stamboll ku nga larg dukeshin mjaft të lumtur.
