Kanye West dhe Irina Shayk paskan qenë bashkë prej muajsh dhe askush nuk paska ditur asgjë! Burime të afërta me çiftin e ri kanw treguar për TMZ se Ye dhe Irina kanë qenë së bashku për muaj, duke takuar njëri-tjetrin që në mars.
Mësohet se ata kanë filluar lidhjen që prej ceremonisë përkujtimore për DMX.
Që atëherë kishte shenja që Yeezy dhe Irina kishin diçka bashkë, pasi ajo u pa e veshur me një këmishë përkujtimore për DMX para se të ishte në duart e publikut të gjerë. Kujtojmë se bluzat me porosi X janë projektuar nga Balenciaga dhe porositur nga marka Yeezy dhe Kanye ndihmoi në mbledhjen e mbi 1 milion dollarëve për familjen e DMX me fitimet.
Por, si janë planet e çiftit për fëmijë? A po mendon Kanye të bëjë një fëmijë me Irina Shayk?
Burimet tregojnë se reperi s’e ka ndërmend diçka të tillë. Ai është tepër i fokusuar tek katër fëmijët e tij, që janë e gjithë bota për të dhe momentalisht po shijon lidhjen e re, pa plane për fëmijë.
Kanye dhe Irina kanë njohje të përbashkëta dhe po e shijojnë në maksimum shoqërinë e njëri-tjetrit, ndaj kanë vendosur t’ia lënë të gjitha kohës.
West i habiti të gjithë duke hequr nga lista e ndjekësve në Twitter të gjitha motrat Kardashian, përfshirë edhe ish-bashkëshorten e tij, Kim. Pas 44-vjetorit të lindjes, reperi ka hequr disa njerëz nga ndjekësit dhe fansat kanë vënë re se 3 nga ata njerez ishin dhe motrat Kardashian.
“Mbaroi, Kanye hoqi Kim Kardashian nga lista e ndjekësve… Më duhen disa ditë për ta pranuar këtë gjë”, shkroi dikush në rrjete sociale
Por Kim nga ana tjetër duket se nuk ndihet njësoj si ish-bashkëshorti i saj. Me rastin e ditëlindjes ajo i bëri një urim të dedikuar në rrjete sociale, së bashku me motrat e saj.
“Gëzuar ditëlindjen. Të dua përjetë”, shkroi Kim për Kanye-n.
Po ashtu dhe Khloe i bëri një urim ish-kunatit në rrjete sociale. Ajo ndau në Instagram një foto me Tristan Thompson, partnerin e saj, Kanye-n dhe Kim.
“Gëzuar ditëlindjen vëllai im përjetë!!! Paç ditëlindjen më të bukur Ye! Të dërgoj shumë dashuri dhe pafund bekime!!”, shkroi Khloe në urimin e saj në Instagram.
