Sezoni i tretë i emisionit “The Voice Kids” u moderua nga Dojna Mema, një figurë shumë e dashur për publikun dhe veçanërisht fëmijët.
Të shumtë janë ata që e kanë pyetur moderatoren për një sezon të katërt të këtij emisioni, ndaj Dojna mori përsipër të tregonte në llogarinë e saj në Instagram planet e këtij viti për emisionin.
Sipas Dojnës, kjo ishte pyetja që i bëhej më shpesh së fundmi në inbox.
Moderatorja tregoi se “The Voice Kids” nuk do të mbahet këtë vit.
“Njëra prej pyetjeve që më vjen çdo ditë në inbox. Për këtë vit nuk do të ketë @voicealbania”- shkruan Dojna krahas fotos së publikuar.
Ende nuk dihet nëse “The Voice Kids” do të zhvillohet sërish vitin tjetër, apo ky ishte një fund për emisionin shumë të dashur për publikun.
