Ajo është këngëtare prej disa vitesh, por së fundmi ka rrëmbyer kurorën e “Miss Grand Albania”.
Dashuri Bilaj ka rrëmbyer vëmendjen e të gjitha mediave së fundmi pasi ka pozuar nudo në bregdet. Pavarësisht se të gjithë sytë janë mbi trupin e saj, Dashuria ka dashur të përcjellë një mesazh të fortë me zhveshjen e saj.
Permes zhveshjes ajo ka zgjedhur të ngrejë shqetësimin e ndotjes së bregdetit shqiptar, për të ndërgjegjësuar qytetarët që mos të ndotin më detin dhe lumenjtë si dhe institucionet të marrin masa.
Për “Panorama Plus” ajo ka treguar se ky guxim i tepruar mund të paragjykohet, por duhet të shikohet në anën tjetër të medaljes, atë të fenomenit të ndotjes së plazheve.
Më tej ajo ka treguar se ideja e këtij seti erdhi pasi ajo në brigjet shqiptare kalon pushimet dhe e pëlqen shumë bregdetin, mirëpo ndotja nuk të lë dëshirën të rikthehesh sërish.
Gjithashtu miss-i tha se zgjodhi këtë mënyrë ndërgjegjësimi sepse ka parë që metodat e tjera nuk kanë funksionuar.
“Në Shqipëri me aq sa kam parë vetëm ekstremitetet tërheqin vëmendje. Kemi parë nisma të ndryshme nga shoqata në projekte të ndryshme, por që nuk kanë dhënë efektet e pritura, kemi parë që ka një ditë për pastrimin e plazheve, por dhe iniciativa të ndryshme, por deri tani asnjë nuk ka dhënë efekt. Duke qenë e vetme doja të jepja një kontribut kundër këtij fenomeni që shëmton plazhet të cilat të tjerët na kanë zili, vendosa që të realizoj këtë mesazh nëpërmjet nudos artistike” – është shprehur Bilaj.
