Nuk e dimë nëse Oriola Marashi e priste që të shkaktonte pakënaqësi me foton e fundit, por këtë e arriti menjëherë në mesin e fansave të saj.
Bukuroshja shqiptare ka pozuar në krah të një modeleje që ka përqeshur shqiptarët kur zhvillohej ndeshja e Serbisë me Zvicrën dhe kjo është vënë menjëherë në dukje nga nja fans i saj.
“Kjo modelja që e ke pranë, kur ishte ndeshja me Serbinë në Zvicër dhe ku shqiptarët tanë na bënë krenarë me golat e tyre që të gjithë i dimë… i ka përqeshur shqiptarët. Gjithashtu ka postuar se Kosova është e Serbisë. Sidoqoftë modelingu gjë tjetër, veç sa për dijeni e dashur”, i ka shkruar ai.
Modelja shqiptare i ka kthyer menjëherë një përgjigje ndjekësit të cilit i thotë se nuk do ta harrojë atë që ka ndodhur, por bota e madhe e modelingut bëri që vajzat të takohen me njëra-tjetrën:
“Faleminderit. Është e vërtetë kjo që thua që vajza është nga Serbia por bota e modës është e madhe dhe rastis që këto vajza të jenë të pranishme, pasi janë shumë të pëlqyera. Gjithsesi çka ka ndodhur nuk harrohet.”, ka shkruar Oriola.
Me siguri modeles shqiptare i ka pëlqyer shumë vetja në këtë foto, saqë nuk ka pyetur se kë ka në krahë.
Fotoja vijon ende të jetë e pranishme në profilin e saj në Instagram, kështu që Oriola nuk është bërë fare pishman!
