Kendall Jenner është modelja e momentit dhe shumë e kërkuar nga kompanitë e modës apo revistat.
Ajo mbulon kopertinën e numrit të ri të “Vogue India”, duke pozuar në një sërë fotosh në Pallatin e bukur Samode, në Jaipur.
“Vogue India” ka 10-vjetorin këtë vjeshtë dhe Mario Testino ka zgjedhur Kendall për kopertinën e majit.
Modelja 21-vjeçare ka bërë foto perfekte, ku duket mjaft elegante me një fund të gjatë të stilit gotik dhe një bluzë dantelle.
Ndërkaq, Mario Testino për të festuar përvjetorin e “Vogue India” ka vendosur të shesë një numër të limituar për bamirësi, për të mbështetur një shoqatë vendase, “Girl Rising India”.
Një nga imazhet që tërheq vëmendjen nga pozicioni i modeles dhe aftësia e realizimit, është kjo ku Kendall qëndron e përkulur mbrapa e veshur me një fundin e gjatë të zi.
21-vjeçarja ndryshon veshje nga një dhomë në tjetër, influencuar nga kultura e vendit.
“Elementë të ndryshëm të Indisë kanë influencuar botën time dhe këtë numër. Janë njerëzit, arti, ngjyrat, elefantët dhe gjithçka ndërmjet tyre. Dua të sjell botën time në këtë komb të mrekullueshëm duke fotografuar në Indi. Doja të qëndroja i vërtetë ndaj shpirtit indian”, shprehet fotografi Testino.
Burimi: Vogue
