Shumë njerëz janë të fiksuar që të publikojnë çdo gjë që bëjnë në rrjetet sociale. Ju mund të shikoni se shumë nga miqtë tuaj nuk lënë aktivitet pa e ndarë në profilin e tyre të mediave sociale, si palestra, joga, vrapi, etj. Përveç faktit që mendoni se tashmë për ta ka ardhur koha që të kenë një jetë të tyren, ose se përpiqen të tregojnë se kanë një jetë të lumtur, mund të mendoni edhe se janë të dashuruar me vetveten. Në asnjë nga këto rastet nuk keni gabim!
Një studim i fundit tregoi se këta njerëz të fiksuar me stilin e tyre të jetesës mund të kenë probleme me narcizmin e tepruar. Studimi u realizua nga “Brunel University London” dhe doli se narcisët ishin të fiksuar me shpërndarjen e stilit të tyre dietik apo intensiv në rrjetet sociale.
Në këtë studim morën pjesë 555 persona, të cilët kishin një profil në rrjetin social “Facebook” dhe ata plotësuan disa formularë në lidhje me personalitetin e tyre. Njerëzit kishin tendencën të mbushnin profilet e tyre me pjesë nga personaliteti, ku ata që kishin tendenca narciste, postonin shpesh rreth arritjeve të tyre personale. Ndërsa personat që kanë vetëvlerësim të ulët, kishin tendencën të postonin foto të shumta me partnerët e tyre.
Burimi: Metro
