Të gjithë pendohemi për një foto që kemi postuar në rrjetet sociale. Kjo pasi mund të mos na pëlqejë sesi kemi dalë, dhe kur e shohim më pas themi me vete si e kemi postuar këtë foto? E njëjta gjë i ka ndodhur edhe Kim Kardashian, por jo me ndonjë foto selfie, por me foton e dorës.
Fotografia bardh e zi e dorës së saj, me unazën e fejesës, mesa duket është ajo për çka është penduar Kim.
Në sfond duket një tabelë ku shkruhet: “Të lutem, martohu me mua”,– propozim ky nga ana e Kanye West. Kardashian ka shkruar poshtë postimit “Pranoj”, e çdo gjë deri këtu duket krejt në rregull.
Ajo që nuk i pëlqen Kim-it është…gjatësia e thonjve të saj!
“Unaza do të ishte dukur shumë më bukur me thonj të gjatë”, ka shpjeguar ajo, “ja pse pendohem pafund”.
Me thënë të drejtën ne nuk na kishte shkuar në mendje një gjë e tillë, por Kim sheh detajet.
