Një show i vërtetë ka qenë sot seanca në parlamentin italian, ku politikani i njohur Vittorio Sgarbi është nxjerrë jashtë me forcë.
Gjithçka ndodhi pas fjalimit të tij për ligjin e ri të drejtësisë, ku Sgarbi nisi të gjuajë gjykatësit italianë mafiozë. Fjalimi i tij u kritikua Giusi Bartolozzi, nga Forza Italia, e cila tha se “Të dëgjosh nga një koleg se i gjithë gjyqësori është mafie, të tmerron”.
Pas kërkesës së zv. kryetares Mara Carfagna për të ndaluar retorikën e tij, Sgarbi iu drejtua asaj dhe deputetes së Forza Italia, Giusi Bartolozzi, me fjalor fyes si “vaffanculo”, “stronza”, “troia” etj.
“Nuk mund të ofendohen kolegët duke përdorur fjalë të pista”, tha Carfagna mes duartrokitjeve të sallës.
“Të dëgjosh fyerje dhe ofendime të përsëritura ndaj një gruaje në këtë Dhomë, mendoj se është e papranueshme dhe besoj që e gjithë salla duhet të bashkohet në solidaritet me zotin Bartolozzi. Sa i përket fjalëve që u janë thënë magjistratëve, Z. Sgarbi mban përgjegjësi për to”!
Pas refuzimit të tij të vazhdueshëm për të dalë nga salla, katër deputetë të Fratelli d’Italia dhe të Lega e ngritën peshë atë, dy nga këmbët e dy nga krahët për ta nxjerrë jashtë ndërkohë që në sallë dëgjoheshin brohoritjet: “Turp, turp!”
Carfagna tha më pas se Sgarbi “e ka trasformuar këtë sallë në një show. Nuk është hera e parë që ai e përdor parlamentin për ndërhyrjet e tij të pandershme”.
