Këngëtarja Elvana Gjata vetëm pak ditë më parë publikoi këngën e saj të re “Mike” në bashkëpunim me reperin Ledri Vula dhe këngëtarin John Shahu. Një këngë që është pritur shumë mirë nga publiku shqiptar dhe po shndërrohet në një hit veror.
Një fans i madh Elvana Gjatës me sa duket është edhe deputeti i Partisë Socialiste, Erion Braçe, i cili e ka shprehur publikisht adhurimin e tij ndaj këngës më të re të saj. Ai ka publikuar në profilin e tij në Instagram videon e këngës dhe e ka shoqëruar edhe me një dedikim.
“Dëgjojeni! Dëgjoni liriken, zërat si melodi! Do bindeni që ka gjëra shumë herë më të bukura se lehjet e qenve! Dhe, nëse do i ktheheni çdo qeni që leh, do humbni gjëra të tilla të bukura!”- shkruan Erion Braçe.
