Presidenti i “Kukës Televizion”, Lutfi Meçka është shpallur në kërkim nga policia për protestën e Rrugës së Kombit, pasi Meçka akuzohet se ka bërë thirrje për dhunë.
Biznesmeni Meçka në një intervistë për “Fax News” është shprehur se ai nuk ka bërë thirrje për dhunë, por përkundrazi për paqe. Sipas tij, kjo është absurde, pasi ka djalin dhe dhëndrin në radhët e forcave të policisë.
“Unë nuk jam në krah të personave me precedent kriminal, por të njerëzve të thjeshtë, të popullit tim, do të jem përkrahës i tyre. Iu kam thënë në protestë që policët janë njerëzit tanë. Unë kam djalin me policinë. Kam dhëndrin me policinë, si mund të bëj thirrje për t’i rënë policisë?”, tha për “Fax News” Lutfi Meçka.
Gjatë intervistës biznesmeni i njohur i bëri thirrje qeverisë shqiptare që taksa e Rrugës së Kombit të mos vendoset sepse ajo është vetëm përçarëse.
“Penalizon kuksianët, por ndan edhe kombin”, u shpreh Meçka.
