Fotot që tregojnë aktorin e humorit Albano Bogdo të shoqëruar me disa efektivë policie nga banesa, po qarkullojnë këto ditë në rrjetet sociale.
Aktori ka një pamje të shqetësuar, i veshur me pantallona të shkurtra, bluzë jeshile dhe çorape, pa këpucë, ndërsa policët gjithashtu kanë atë pamjen serioze.
Por vetëm njëri prej tyre duket se “prish” të gjithë këtë skenë. Ai që qëndron pas Albanit duket se nuk ka mbajtur dot të qeshurën dhe ka vënë buzën në gaz. Jo të gjithë dinë të aktrojnë!
Nuk jemi të sigurt nëse bëhet fjalë për diçka serioze, apo po përgatitet promoja për fillimin e sezonit të ri të Apartamentit 2XL që pritet të nisë më 3 tetor.
