“Më dhemb stomaku. Qafa më dhemb. Gjithçka më dhemb. … Unë kam nevojë për ujë. Ju lutem. Ju lutem. Nuk mund të marr frymë, oficer. … Nuk mund të marr frymë. Nuk mund të marr frymë”- ishin fjalët e fundit të afroamerikanit George Floyd, i cili u neutralizua dhunshëm nga disa oficerë gjatë një arrestimi, duke bërë që të humbasë jetën.
Pamjet e viktimës së shtrirë në tokë me efektivin që i kishte vendosur gjurin në qafë janë shpërndarë gjerësisht në internet, duke treguar sjelljen raciste të efektivëve ndaj një personi me ngjyrë të paarmatosur, që as nuk po bënte rezistencë.
https://www.instagram.com/p/CAsKK7sgmWz/?utm_source=ig_embed
Polici nga Minneapolis, Derek Chauvin, u shkarkua nga puna dhe u arrestua pasi shkeli në qafë Floyd-in, ndërsa disa orë më parë ai është akuzuar më lehtë sesa pritej.
Autoritetet e kanë akuzuar për vrasje të lehtë shkallës së dytë dhe të tretë.
Pavarësisht se njerëzit kërkonin që ai të dënohej për vrasje të rëndë (të shkallës së parë) për aktin e tij mizor, Byroja Penale në Minesota tregon se qëllimi i tij fillestar nuk ishte ta vriste dhe derisa të mos ketë asnjë provë që të vërtetojë të kundërtën, ai do të vazhdojë të akuzohet për vrasje të shkallës së dytë dhe të tretë.
Siç bëjnë të ditura mediat e huaja, bashkëshortja e 44-vjeçarit Chauvin është e shkatërruar nga gjithçka që ka ndodhur dhe ka bërë kërkesën për divorc nga partneri.
Oficerët e tjerë të përfshirë në këtë ndalim të paprecedent si Tou Thao, Thomas Lane dhe J Alexander Kueng, të dy në departament për më pak se tre vjet, u pushuan nga puna një ditë pas vdekjes së Floyd. Deri më tani, asnjë nga këta tre nuk është raportuar për arrest.
https://www.instagram.com/p/CAxNJEigTQU/?utm_source=ig_embed
