Ronela Hajati dhe Young Zerka prej kohësh po përfliten për një lidhje dashurie mes tyre, por asnjëri prej tyre as e mohon dhe as e pohon.
Mbrëmjen e djeshme Ronela ishte e ftuar në emisionin “Why Not”, të Roza Latit, e cila e nxori bllof këngëtaren duke i thënë publikisht se ajo kishte 3 vjet e lidhur me Zerkën.
“Po ti në Instagram pse nuk e nxjerr kurrë që ke një marrëdhënie prej 3 vitesh?”, e pyeti Roza.
Pavarësisht provokimit të moderatores së emisionit “Why Not”, Ronela nuk zbuloi nëse është në një lidhje me Zerkën dhe madje tha se preferon që në media të përflitet për jetën e saj profesionale dhe jo private.
“Sepse nuk e kam prej 3 vitesh. Në Instagram ti nxjerr një të vërtet ose gënjeshtër dhe shumë portale jo profesionale flasin kodra mbas bregut. Kështu që unë pse të jap material dikujt që të shkruajë ekstra, ai të shesë dhe unë mos fitoj. Unë fitoj nga muzika, shitja e këngëve të mia. Kur të jetë momenti që të tregoj, qoftë kur të kenë vajtur 3 ose 6 vite, do i them vetë gjërat. Unë as e kam mohuar, as e kam pohuar, por dua vëmendjen ta kem tek karriera”, u shpreh Ronela.
Duke mos marrë një përgjigje konkrete nga këngëtarja, Roza insistoi duke i kërkuar që ta pranonte për herë të parë nga studio e “Why Not” lidhjen e saj me Zerkën.
“Zerka është alamet kaçurrelsi, por unë po pres të bëj flokët permanent, t’i mbaj dhe unë rrodhe që të na ngatërrohen kaçurrelat dhe mos shqitemi dot”, u përgjigj Ronela.
