Deklarata e imamit Elvis Naçi, se arsyeja e tradhtisë bashkëshortore është femra e cila “ia var vetes”, nuk zbukurohet dhe e le veten të shëndoshet, tronditi të gjithë opinionin publik. Dhe pas deklaratës nuk munguan as akuzat dhe kirtikat.
Dhe duke parë këtë situatë të krijuar, imami ka reaguar në “Instagram” me një foto të publikuar. Por ndryshe nga më parë, ai tashmë këshillon burrat e tij se çfarë duhet të bëjnë në mënyrë që gratë të mos u largohen.
Sipas imamit, pesha apo pamja e jashtme e burrave nuk është ajo që ka rëndësi për gratë, por mungesa e dashurisë dhe përkujdesjes:
“Është një njeri që u largua për ty nga Dashuria e Nënës, ngrohtësia e babait, përkëdheljet e motrës, kujdesi i vëllait. Ajo është bashkëshortja jote! Prandaj një bashkëshort i vërtetë është vetëm ai që ja dhuron gruas së tij dashurinë, ngrohtësinë, përkëdheljet dhe kujdesin që i mungojnë”.
Naçi në deklaratën e tij për femrën dhe tradhtinë bashkëshortore shprehej se ajo duhet të dalë e zbukuruar para burrit dhe ta mbajë veten:
“Po shkoi një femër 150 kile…ah mbaroi familja. Thonë ca s’e kam mbajt veten këto kohë, mirë se e ke femra që mbajnë veten jashtë familjes, mos u mërzit, se s’e ka të vështirë me të tradhtu. Sot është bërë e lehtë fare”.
