Zayn Malik u bë baba fundjavën e kaluar dhe u rikthye në muzikë mbrëmjen e djeshme. Ish pjesëtari i One Direction lançoi në mesnatë këngën e tij “Better”.
Mirëpo, kudo në mediat ndërkombëtare shkruhet se teksti i kësaj kënge rrëfen të gjithë historinë e tij me Gigi Hadid, nga ndarjet tek ndjenjat e tij.
Dy yjet me famë botërore ishin në një lidhje për më shumë se katër vjet, por u ndanë në janar të 2019, për tu rikthyer së bashku në fund të vitit.
Fjalët si:
Vetëm një herë dëgjo atë që po provoj të them / Dije që mund të mos ndihesh në të njëjtën mënyrë / Por unë të dua / Të them, të dua”,
janë në sinkron me atë që është raportuar dhe thënë publikisht nga Malik për ndjenjat e pandryshueshme për nënën e vajzës së tij.
Në maj të vitit 2020, “Us Weekly” shkruante se Zayn gjithmonë e ka dashur super modelen, ndonëse nuk kanë qenë bashkë.
28-vjeçari ka mbajtur një profil relativisht të ulët në mediat sociale gjatë vitit të fundit.
“Better” shënon vështrimin më intim që ai ka dhënë në lidhje me pikëpamjet e tij për dashurinë dhe në dukje marrëdhënien dhe udhëtimin e tyre si çift.
Ndonjëherë është më mirë në këtë mënyrë/ Duhet ta lësh të shkojë në mënyrë që zemra jote të mos thyhet/ Sepse te dua/ Po, zemër, të dua/ Vetëm një herë dëgjoj atë që unë po përpiqem të them/ E di që ti mund të mos ndihesh në të njëjtën mënyrë/ Por unë të dua/ Unë po të them, të dua
Autori i hitit “Pillow talk” shkroi në Twitter në mars të 2019 ‘Të dua’ drejtuar 25-vjeçares, por kjo e fundit nuk u përgjigj publikisht por vazhdoi të takohej me Tyler Cameron më vonë atë verë.
@GiGiHadid love you
— zayn (@zaynmalik) March 2, 2019
Mediat raportuan në atë kohë se Gigi dhe Zayn flisnin ende, por këngëtari ka çështje madhore dhe ajo e di që ato nuk janë në të njëjtat drejtime.
Unë rashë, po bie, jam për ty/Unë nuk mund të të lejoj të biesh edhe ti gjithashtu/
Ende në mendjen time ndonjëherë, më duhet ta pranoj, si një krim në gjyq, unë u shfajësova/ Unë dhe ti nuk bëjmë për njëri-tjetrin/ E urreja ta pranoja
Po ashtu, shkruhej se Gigi kishte bërë të pamundurën për të qenë me Zayn, por rrethanat i çuan drejt ndarjes.
Ndërkohë, në tekstin e “Better” thuhet:
Pse? Pse të presim për të luftuar?/ Le ta provojmë/Ose do të them lamtumirë nëse është e drejtë/A mund t’i ruajmë lotët në sytë e tu?/Po të bëj të qash/Pse të presim të urrehemi, a mund ta ruajmë dashurinë?
Ata u rikthyen në krahët e njëri-tjetrit përsëri në janar të 2020, kur u fotografuan së bashku në ditëlindjen e Zayn.
Në përgjithësi e kanë mbajtur private lidhjen e tyre pas ribashkimit, dhe kanë ndarë në rrjetet sociale një selfie të rrallë duke u puthur më 31 korrik, pasi në media u përfol se kishin sërish probleme, ndonëse ishin në pritje të fëmijës së parë.
https://www.instagram.com/p/CDVAAOCHjhF/?utm_source=ig_web_copy_link
