“Trokit në derën time” quhet seriali turk që prej muajsh ka fiksuar të rinj, por jo vetëm nga Turqia e shumë vende të tjera. Dy protagonistët e këtij seriali janë edhe dy prej aktorëve më të suksesshën në shtetin turk.
Megjithatë, shikueshmërinë e këtij seriali mund t’ia atribuojmë edhe super kimisë që dyshja ka shfaqur dhe thashethemeve se mund të kenë trokitur në dyert e njëri-tjetrit edhe jashtë sheshit të xhirimeve.
Vetë ata i kanë mohuar zërat duke deklaruar se janë vetëm kolegë e shokë të mirë, dhe se thjesht po bëjnë punën e tyre si duhet.
Por, së fundmi rrjetin po vlon nga disa foto të Handes. Disa ditë më parë ajo ndau me ndjekësit në rrjetet sociale disa foto bardhezi ku shihej në shtëpinë e saj.
Po Keremi ç’punë ka këtu do thoni ju? Epo, ja… detajistët kanë vënë re se në foto duket kapelja e tij. Nëse e shihni me kujdes ajo duket në xham:
Keremin e kemi parë disa herë me këtë kapele, ndër të tjera edhe në një video live që ka realizuar me Handen.
Nuk e dimë se ç’kanë për të thënë tani, pasi çdo herë janë shprehur se janë thjesht shumë profesionalë.
Disa javë më parë një lëvizje në rrjetet sociale nga familjarët e çiftit kanë ngritur dyshime se ndoshta ata po bëjnë më shumë se thjesht punën.
Fansat e tyre kanë zbuluar se babai i Hande, Kaya Erçel, ka filluar të ndjekë në Instagram Keremin dhe nënën e tij, Çiğdem Bürsin.
E mirëkuptojmë se mund t’i bëjë ‘follow’ kolegut të së bijës, por nuk e arsyetojmë dot pse i ka bërë ‘follow’ nënës së kolegut të së bijës…
Të gjithë filluam të mendonim mos vallë gjërat janë bërë zyrtare?
Ata kanë folur rreth kësaj lëvizjeje duke thënë se nuk është fare tregues i raportit pasi prindërit e tyre janë njohur në sheshxhirime dhe janë bërë miq.
Sakaq, dy aktorët më në zë të momentit kanë mohuar edhe një herë zërat se mes tyre ka diçka tej punës, duke u shprehur se janë shok dhe profesionalë.
Kujtojmë se:
Rreth katër muaj më parë u raportua se Hande dhe Murat kishin vendosur të lidhin kurorë dhe mediat turke kishin zbuluar edhe datën e martesës. Sipas mediave turke Hande dhe Murat do të martoheshin në javën e dytë të korrikut.
Aso kohe mediat shkruanin se çifti mezi po priste të kurorëzohet dhe po numëronte ditët dhe se dasma do të mbahej në Stamboll e Hande kishte kërkuar që ceremonia të jetë sa më e thjeshtë.
Mirëpo, gjërat nuk shkuan si duhet dhe ata u ndanë. Ka qenë Hande ajo që ka konfirmuar zërat me anë të një Instastory disa javë më parë, ku shkruante se ndarja ka qenë në mënyrë miqësore dhe kërkonte ta respektojnë këtë vendim.
Aktorja nuk dha arsye pse ka ndodhur kjo, por shprehet se Murati është një njeri i çmuar e i dashur për të.
Mediat turke aluduan se ajo dhe aktori Kerem Bursin krah të cilit po luan në serialin “Sen Çal Kapimi” mund të kenë nisur një romancë, duke menduar se ky është bërë shkak që ajo t’i japë fund lidhjes me Muratin.
