Kim Kardashian ka qenë në qendër të vëmendjes mediatike këto kohë për shkak të zhvillimeve në jetën e saj private. U përfol se ajo i kishte dhënë fund martesës me Kanye West, po Kim i hodhi poshtë të gjitha thashethemet duke publikuar foto përkrah bashkëshortit dhe dy fëmijëve.
Por çfarë ndodhi tani që duhet të flasim sërish për Kim Kardashian?!
Ylli i spektaklit të famshëm, Keeping Up With The Kardashians, do të jetë një nga të ftuarit e radhës të David Letterman, për emisionin “My Next Guess Needs No Introduction”. Intervista duket se ka marrë një tjetër kthese gjatë bisedës në studio, pasi Kim është shfaqur duke u përlotur.
Në fillim Kardashian dhe Letterman shfaqen duke u argëtuar me njëri-tjetrin, ndërkohë që milionerja i mëson prezantuesit si të bëjë një selfie. Por me pas ata ulen ballë për ballë për të biseduar me njëri-tjetrin dhe në këtë moment Kim shfaqet duke qarë e fshirë lotët për të mos i prishur grimin.
“Jo, jo, jo, jo. Je mirë?”, i thotë David për ta qetësuar.
“Nuk e di pse po qaj, kam folur edhe më parë për këtë gjë”, përgjigjet Kim, por në promon e spektaklit nuk zbulohet arsyeja e përlotjes së saj.
Ndoshta mund të bëhet fjalë për fëmijët, ose për ulje-ngritjet në marrëdhënien e saj me Kanye West. Se çfarë ka ndodhur do të mbetet mister deri në 21 tetor kur të transmetohet seria e radhës në Netflix.
