“Po sportit, jo shfarosjes së kafshëve”, Besa Kokëdhima reagon për protestën kundër rrëmbimit dhe vrasjes së qenve
E C
Postuar ne 17 Tetor 2021,17:13:09
“Po Sportit, jo shfarosjes së kafshëve” ishte kjo motoja nën të cilën u organizua protesta ditën e sotme për mbrojtjen e qenve.
Nga ana tjetër në kryeqytet u zhvillua Maratona e Tiranës, ku morën pjesë rreth 2500 garues, prej të cilëve 1000 vinin nga e gjithë bota.
Në këtë maratonë kishte duartrokitje të shumta pjesëmarrësish, mirëpo një pjesë e qytetarëve nuk mundën që të bëheshin pjesë e këtij “gëzimi” që rrezikon jetë në kohë pandemie, pasi një kauzë më e fortë i bashkoi ato drejt një tjetër destinacioni, aty ku si çdo ditë vijon mbledhja dhe vrasja e qenve të pastrehë.
“Njerez qe vraponin, e njerez qe duartrokisnin.
Ne sot nuk mundem ti bashkoheshim ketij gezimi.
Ishte thjesht nje fasade. Si cdo gje ne kete qytet.
Nje rrenë e madhe qe mblodhi bashke shume njerez, shume interesa.Ne sot ishin ne spitalin e Bashkise. Atje ku si cdo dite, vijon mbledhja dhe vrasja e qenve te pastrehe. Por sot atje fasada nuk mundi ti fshihte zerat e qenusheve te kapur me rastin e Maratones. Per ne dhe te gjithe ata qe i duan kafshet pa asnje interes, kjo eshte nje dite trishtimi. Qe prej vitit 2017, qe kur bashkia, nisi te kapte dhe me pas zhdukte pergjithnje qenushet qe jetonin ne rruget ku kalon maratona, kjo eshte nje dite e lare me gjak.
Ne sot nuk mundem te benim asgje per te shpetuar jeten e tyre, ashtu sikur prej kohesh jemi balle per balle me te keqen e cila e veshur me te gjitha pushtetet, madje shpesh e veshur me lekuren e njerezve qe dikur firmosnin peticionin kunder keqtrajtimit te kafsheve, triumfon lehtesisht mbi kedo qe ka zgjedhur te ndjek nje kauze te drejte.
Nje falenderim per vajzat vullnetare me kurajo te madhe qytetare qe pavaresisht se kishin prapa nje ushtri policash thuajse se ishin persona me rrezikshmeri te larte arriten ne menyren e tyre te ngrinin zerin per ata qe nuk mund te flasin e mbrohen vete”, shkruhet në Instagram-in zyrtar të Arsa Albania, një llogari e krijuar për mbrojtjen e kafshëve.
View this post on Instagram
Po ashtu, një reagim në lidhje me këtë protestë ka bërë edhe këngëtarja e njohur, Besa, e cila ka postuar në InstaStory disa imazhe të shkëputura nga aty dhe po ashtu një deklaratë nga një faqe për mbrotjen e kafshëve.
“Qentë që dëgjoni duke qarë për jetën e tyre, do të vdesin. Ata vriten çdo ditë. Kostoja e të pasurit fotografi me shkëlqim në Maratonën e Tiranës po vret qindra qen rruge të shpëtuar nga përpjekjet e vazhdueshme të bashkisë së Tiranës për t’i shfarosur në spitalin shtetëror të tmerreve. PO Sportit, JO Gjenocidit të kafshëve. #TiranaMarathon #Stopthegenocideofdogs #savethedogs #savetheanimals #Dogswanttoruntoo”, shkruhet në postimin, të cilin Besa e ripostoi në llogarinë e saj.
Kjo situatë kaq shqetësuese ka kohë që është ngritur si një problem mjaft i madh. Më herët në rrjet janë ngritur denoncime për qentë endacakë në kryeqytet dhe nisën të qarkullonin disa video në të cilat shihej se si policët bashkiakë merrnin qentë zvarrë në lagjet e qytetit dhe i çonin më pas në spital për t’i vrarë me acid klohridrik ne zemër, por mesa duket kjo situatë vazhdon të mos ndryshojë dhe të jetë kaq zemërthyese!
View this post on Instagram
Lexo tjetër
"Ky është koncerti i fundit", Stresi bën lajmërimin e papritur!
