Si do ishte të zbuloje një ditë se ke 94 vëllezër dhe motra biologjikë në zonën ku jeton? Sado e çuditshme që mund të ngjajë kjo është një ngjarje e vërtetë. Gjatë viteve 1970 dhe 1980, një specialist i fertilitetit në Indiana i quajtur Dr. Donald Cline inseminoi dhjetëra pacientë me spermën e tij, pa dijeninë apo pëlqimin e tyre. Historitë e disa prej këtyre grave dhe të paktën 94 fëmijëve biologjikë të Cline tregohen në një dokumentar të ri, “Our father” i cili u shfaq premierë në Netflix në maj.
Dokumentari, i cili përmban intervista me prindërit dhe fëmijët e tyre, si dhe të tjerë të afërt me situatën, tregon rrugën e vëllezërve dhe motrave drejt zbulimit të së vërtetës së prejardhjes së tyre biologjike. Gjithashtu vë në pah zemërimin dhe vendosmërinë e tyre pasi nuk arritën të shihnin Cline të përgjigjet për krimet e tij në gjykatë.
Si një grua zbuloi se kishte dhjetëra motra dhe vëllezër?
Jeta e Jacoba Ballard ndryshoi pasi ajo bëri një test të ADN-së në shtëpi dhe mësoi se kishte shtatë gjysëm-motra. Pasi u kontaktua me anëtarët e familjes së saj të sapogjetur dhe hulumtuan misterin e lidhjes së tyre të përbashkët, Ballard dhe vëllezërit e motrat e saj shpejt zbuluan me tmerr atë që kishte bërë mjeku i besuar i prindërve të tyre. Numri i vëllezërve dhe motrave të konfirmuara vazhdoi të rritet pasi më shumë njerëz shtuan ADN-në e tyre në bazën e të dhënave.
“Our father” përfshin intervista me tetë nga 94 vëllezërit e motrat. Për shkak të mungesës së bashkëpunimit të Cline dhe numrit të panjohur të pacientëve që ai pati mundësinë për të inseminuar deri sa e ndërpreu praktikën në vitin 2009, nuk ka asnjë mënyrë për të ditur me siguri se sa vëllezër e motra mund të ketë. Dokumentari mendon se Cline mund të jetë motivuar nga ideologjia e lindur nga përkatësia e tij me një sekt të krishterë ekstremist të quajtur “Quiverfull”, i cili inkurajon ndjekësit të riprodhohen sa më shumë që të jetë e mundur për të përmbushur mandatin e Perëndisë për të “të qenë të frytshëm dhe të shumohen” dhe të vendosin adhurues në pozita të pushtetit.
Filmi thekson se si besimi i Cline, i cili u zhvillua pasi ai goditi aksidentalisht dhe vrau një vajzë të re me makinën e tij duke ndikuar në praktikën e tij si mjek.
