Viti i Ri mund të jenë një rast fantastik për të bashkuar kolegët e punës. Dihet tashmë se nata e ndërrimit të viteve në zyrë festohen të paktën një javë përpara, duke krijuar kështu atmosferën e periudhës së festave, kështu që do të ishte mirë që të planifikohej një festë që do të kënaqte të gjithë kolegët e punës.
Së pari, duhet të zgjidhet një sallë e madhe apo një qendër konferencash brenda ndërtesës së punës për të ftuar të gjithë personelin, duke u siguruar paraprakisht që hapësira të jetë e mjaftueshme që të gjithë të lëvizin lirshëm. Mos e ngarkoni sallën me mobilie të panevojshme, në mënyrë që t’u lihet rrugë e lirë opsioneve për organizimin e programeve të dëfrimit.
Kolegët duhet të bien dakord me njëri-tjetrin për kohën e festimit, bëhet fjalë për një procedurë normale për të festuar Krishtlindjen në punë një ditë para pushimeve. Zakonisht festa bëhet ditën e premte mbasdite, por në qoftë se rregullorja e zyrës e lejon, festa mund të fillojë edhe në mesditë. Kjo liri për fiksimin e kohës së festimit duhet të vendoset nga drejtoria në marrëveshje me pjesën tjetër të personelit.
E në se nuk bihet dakord, është më mirë të festohet sipas udhëzimeve të drejtorisë. Sigurohuni që të jetë medoemos një bredh i vërtet i Vitit të Ri, me përmasa të mesme apo të mëdha, në varësi të përmasave të sallës, i cili të vendoset në qendër të saj. Mobilizoni të gjithë personelin për zbukurimin e pemës, në mënyrë që të krijohet një atmosferë e këndshme dhe relaksuese. Mund të varni edhe objekte nga zyrat, gjë që do ta bënte pemën edhe më interesante.
Zgjidhni një menu që të pëlqehet nga i gjithë personeli, më mirë një menu të përbashkët, sesa menu të ndryshme të përzgjedhura nga secili. Organizoni lojëra për të dëfryer personelin, jo lojëra intelektualësh, por nga ato që të kënaqin e të përfshijnë të gjithë punonjësit dhe në fund, jepini fituesit një çmim në formë dhurate.
