Edhe pse ka më shumë se një javë që po përflitet, shtatzënia e këngëtares Tuna, Sejdi, nuk është konfirmuar ende.
Fillimisht u tregua se në fakt ajo është shtatzënë me ish-të dashurin e saj, reperin Cozman, por këto lajme duket se u përgënjeshtruan nga miq të Cozman që janë pjesë e labelit “Babastars”.
Tani të gjitha dyshimet janë përqendruar te Patris Berisha, i dashuri i ri i Tunës që është vëllai i Robert Berihsës, bashkëshortit të Nora Istrefit. Edhe pse çifti asnjëherë nuk ka dalë në publik për të treguar se do të bëhen prindër, disa detaje na bëjnë të dyshojmë edhe më tepër.
Portali “Prive” ka publikuar një fotografi ku Patris Berisha shihet në shoqërinë e një mikut të tij. Ky i fundit, përbri fotos, ka shkruar: “Po shtohet mëhalla”, detaj ky që mund të lidhet me faktin se “lagjja” mund të ketë një pjesëtar të ri, pra fëmijën e Tunës dhe Patrisit.
Megjithatë, derisa njëri prej tyre ta pranojë publikisht na mbetet vetëm të aludojmë edhe nëpërmjet këtyre detajeve të vogla që shohim në rrjete sociale.
