Me sa po shohim bashkëpunimi i Alban Skënderajt dhe Flori Mumajesit do kthehet në një çështje tejet të diskutuar dhe do na lodhë pak.
Ditën e djeshme Albani tha në një intervistë se ata gëzojnë shumë respekt për njëri-tjetrin dhe se kanë një marrëdhënie të mirë, por mbetet për tu parë në të ardhmen nëse do sjell ndonjë duet apo jo.
Po ashtu, Albani tregoi se duke qenë se mes tyre është ngritur prej vitesh një rivalitet që nuk ekziston, atyre u pëlqen që të luajnë pak me këtë pjesë. (Lexo këtu)
Mes të tjerave, autori i hitit “Faleminderit” tha me humor edhe “Pyesni Florin. Ne jemi rivalë në fund të ditës, se bëj shaka!” dhe Florit nuk i paska shpëtuar kjo pjesë.
Ai ka ndarë në Instastory videon e Albanit, krahas së cilës shkruan
Po pse përgjigje është kjo? Shiko: ëëëë @albanskenderaj. Shaka me pak të vërteta brenda.
E gjithë ‘historia’ nis në ditëlindjen e Arilena Arës, disa ditë më parë, kur në disa foto të publikuara së bashku, ata njoftonin se së shpejti do të vijnë me një bashkëpunim, edhe pse nuk i dihet se kush do ta kompozojë duke qenë se të dy janë kantautorë.
Mirëpo, më pas Flori postoi një video në Instagram, ku me nota humori shprehej se nuk do të ketë këngë të re, pasi nuk do që t’i lutet Albanit, i cili deri më tani nuk i ka kërkuar asnjë këngë të përbashkët edhe pse ka qenë shpesh herë në studion e Florit.
https://www.instagram.com/p/CC0s_MWjaBu/
Në vijim të jehonës për duetin me Albanin, Flori ka ndarë një tjetër moment pranë tij që ka shkaktuar mjaft të qeshura. Me një aplikacion që i ka shndërruar në të moshuar, Flori na tregoi për pleqërinë e tyre.
Se ç’do ndodhë me duetin e famshëm nuk dimë ç’të themi, por që po e presim me padurim kjo është pak por e sigurtë.
