Vetëm pak para ditës së zgjedhjeve, Presidenti Barack Obama u ul me Samantha Bee në natën e “Halloween”-it për të theksuar sa e rëndësishme është që njerëzit të votojnë.
Në veçanti, Presidenti donte të inkurajonte ata që do të votojnë këtë vit për herë të parë, që të sigurohen se zëri i tyre do të dëgjohet, duke u kujtuar njerëzve se ata ishin arsyeja pse ai u zgjodh.
Por për shkak të tematikës së emisionit e gjitha kjo u realizua me një sens humori dhe dyshja nisën intervistën me “mungesën” e kostumeve të tyre.
Samantha: Këtë vit do të bëhem si shtrigë.
Obama: Kjo nuk është një kostum shtrige.
Samantha: Jam një grua në televizion dhe jam mbi 40 vjeç, kështu që jam tashmë në kostum. Ku është i juaji?
Obama: Jam veshur si ajo që ndodh nëse njerëzit e rinj votojnë.
Samantha: Dikush që plaket shumë shpejt?
Obama: Kjo…nuk është ajo!
Burimi: Elle
