Çifti i famshëm italian Raffaella Fico dhe Alessandro Moggi duket se i kanë dhënë fund lidhjes së dashurisë. Ajo është një vajzat më të njohura të botës së spektaklit kurse ai një prokuror i njohur sportiv dhe prej kohësh Raffaella dhe Alessandro përfliteshin se po planifikonin martesë pas dy vitesh lidhje.
Por duket se gjithçka ka ndryshuar pas deklaratës që ish-modelja bëri për futbollistin Cristiano Ronaldo duke e mbrojtur nga akuzat për përdhunim. Ajo tha se ishte e lidhur me Ronaldon për 11 muaj në vitin 2009 dhe e përshkroi atë si një zotëri të vërtetë gjatë lidhjes.
Sipas mediave italiane, Moggi-t nuk i ka pëlqyer aspak deklarata e saj për ish të dashurin dhe ka vendosur të largohet nga ajo.
Çifti ka fshirë fotot e njëri-tjetrit nga rrjetet sociale dhe sipas revistës italiane “Chi” thuhet se Raffaella është rikthyer në Monte Carlo ku jeton Mario Balotelli, babai vajzës së saj, ndërsa Moggi ka lëvizur drejt Milanos ku ka marrë një shtëpi dhe jeton vetëm.
