Menjëherë pas publikimit të fotove që vërteton lidhjen e Teas me Beartin, nuk kanë munguar reagimet nga konkurrentë dhe ish-konkurrentë të “Për’puthen”.
I pari që reagoi ishte Andi, i cili doli çift me Tean nga emisioni disa ditë më parë. Ai u shpreh totalisht i shokuar dhe tha se do e shpjegonte gjithçka live në Instagramin e tij.
“Nuk di nga t’ja nisë çfarë të them. Nuk kam fjalë për këtë që sapo ndodhi, por do bëj një live do flasim për të gjitha se ju detyrohemi një shpjegim nga ana morale si dhe unë dhe Tea, sapo të qartësohem do ju them dhe ju ca do ndodh ju kërkoj falje të gjithëve, thjesht ju kërkoj shumë falje”, shprehet Andi.
Më pas reagoi edhe Elvisi, djali që kishte shprehur publikisht pëlqimin për Tean dhe kishte pasur disa takime me të në emision.
“Se kisha menduar që do falënderoja publikisht Tean që zgjodhi Andin, por ai moment erdhi”, shkroi Elvisi.
Pas gjithë kësaj zhurme, edhe Fation Kuqari ka dy fjalë për të thënë.
“Kjo s’është asgjë!”, ka shkruar Fationi shoqëruar me disa emoji duke qeshur me lot.
Gjithashtu ai ka vendosur figurën e një vajze me flokë të kuqe, gjë që na bën të dyshojmë se këto fjalë i drejtohen Melisës. Para se të linte përgjithmonë “Për’puthen” Fationi akuzoi publikisht Melisën se ajo kishte krijuar lidhje me një djalë brenda programit. Ai tha se madje ata kanë kryer marrëdhënie bashkë, por nuk preferoi të jepte më shumë detaje. Nga ana tjetër Melisa nuk i pranoi akuzat, por Fationi nuk i tërhoqi fjalët e tij.
Madje i ftuar së fundmi në emisionin “Roped With Olsi”, ai u shpreh se Melisa është personazhi më fallco në program.
