Ditën e djeshme, “Panoramaplus” publikoi foto të reperit Don Phenom, i cili shfaqej për herë të parë në publik me të dashurën e tij.
Ai ishte fotografuar me bukuroshen bjonde të cilën prej një viti apo më shumë, e kishte mbajtur larg syve të publikut.
Dyshja u fotografua gjatë koncertit të Capital T në Tiranë dhe të gjithë u bëmë kuriozë për identitetin e vajzës që i ka rrëmbyer zemrën Don Phenom-it.
“Iconstyle.al” ka zbuluar se ajo quhet Anxhi Dema dhe para lidhjes me Don Phenom, ishte e lidhur për një kohë të gjatë me një gazetar sportiv.
“Anabel.al” ka publikuar fotot e vajzës në fjalë. Në pozat e saj, Anxhi shfaqet e veshur me marka luksi e bluza grafike, të cilat duket se janë të preferuarat e saj.
Madje, ajo ka publikuar edhe një foto ku Don Phenom duket pranë saj.
Don Phenom ende nuk ka reaguar pas këtyre lajmeve, ndërsa të gjithë po presim një konfirmim publik nga reperi.
