Kur fansat janë në mes të një tymnaje sa i përket raportit të Mozzik dhe Capital T, pas freestyle të këtij të fundit, autori i hitit “Madonna” ka publikuar një mori statusesh në Instastory.
Nuk dihet se kujt i drejtohen dhe a lidhen me zërat aktualë rreth marrëdhënies së tyre, por reperi i dashur shqiptar shkruan:
Quhet respekt ajo që u mungon shumë njerëzve. Quhet punë ajo që me atë arrin gjithçka. Quhet para ajo që lakoj botën e njeriut. Urrejtja dhe dashuria. Pasunia dhe varfnia. Merita dhe Fati. Heshtja dhe zhurma. Mendja të qon shumë larg…por duhet edhe këmbët.
Fansat kanë filluar të mendojnë se këto fjalë janë kundërpërgjigje ndaj Capital T, por përsa kohë vetë Mozzik nuk është prononcuar publikisht për këtë çështje s’mund të jepen emra konkretë.
Sakaq, Loredana ka hequr nga lista e personave që ndjek në Instagram Capital T, ndonëse ky i fundit vijon ende ta ndjekë atë.
Ndërsa, Mozzik nuk gjendet më në listën e personave që Capital T ndjek. E normalisht as ai te Mozzik, i cili ndjek vetëm Hanën.
Nuk dimë të themi me siguri se si qëndron e vërteta, pasi për momentin kemi shumë pikëpyetje dhe e gjitha mund të jetë një rastësi, por mbetet për tu parë.
