Rrjetet sociale u “tronditën” së fundmi nga disa imazhe virale që pretendonin se Khloé Kardashian dhe Michael B. Jordan mund të ishin çifti më i ri i showbiz-it.
Fotot, të shpërndara gjerësisht nga përdorues në rrjetet sociale, tregonin yllin 41-vjeçar të familjes Kardashian dhe aktorin 39-vjeçar, i njohur për rolet e tij të suksesshme në Hollywood, duke dalë nga një darkë së bashku. Në disa prej imazheve, ata shfaqeshin edhe të kapur përdore, çka mjaftoi që fansat të nisnin menjëherë spekulimet për një romancë të mundshme.
Pamjet u bënë virale brenda pak orësh, duke ndezur diskutime të shumta online dhe reagime të forta nga ndjekësit.
Shumë fansa mbetën të habitur dhe të entuziazmuar nga ajo që dukej si një çift i papritur. Komentet në rrjet nuk munguan, ku disa shprehën habinë, ndërsa të tjerë u shprehën të lumtur për Khloé Kardashian, duke aluduar se ajo meriton të gjejë lumturinë në jetën personale.
Megjithatë, ndërsa lajmi po përhapej me shpejtësi dhe po merrte vëmendje të madhe në internet, përdoruesit më të vëmendshëm zbuluan një detaj të rëndësishëm.
OMGGGGG KHLOE KARDASHIAN AND MICHAEL B. JORDAN WERE BOTH SPOTTED HAVING DINNER TOGETHER LAST NIGHT IT’S STILL NOT CONFIRMED IF THEY’RE IN A RELATIONSHIP 😭😭🥹🥹🥹🥹🥹🥹🥹🥹🥹🥹🥹😭😭😭🥹🥹😭😭😭🥹🥹🥹🥹🥹🥹😭😭😭😭🥹🥹!!!! pic.twitter.com/3W2U4YWwY6
— celebsnapz (@celebsnapzx) May 20, 2026
Në fakt, fotot që ndezën gjithë këto spekulime nuk ishin reale.
U vu re se imazhet ishin krijuar me inteligjencë artificiale (AI) dhe nuk përfaqësonin një takim të vërtetë mes Khloé Kardashian dhe Michael B. Jordan. Kjo do të thotë se thashethemet për një romancë mes tyre nuk kanë asnjë bazë reale.
Ngjarja ka rikthyer edhe një herë diskutimin mbi fuqinë e inteligjencës artificiale dhe mënyrën sesi imazhet e gjeneruara mund të krijojnë lehtësisht konfuzion dhe lajme të rreme në rrjetet sociale.
Edhe pse shumë fansa do të kishin dashur që ky çift të ishte real, duket se këtë herë interneti u mashtrua nga një tjetër rast viral i teknologjisë AI.
