Dy mësues kanë humbur jetën mesditën e sotme në aksin rrugore Memaliaj-Krahës pasi makina “Mercedes” me targa TP0700B me të cilën udhëtonin ka rënë në kanal.
Ngjarja e rëndë ka ndodhur në vendin e quajtur Mogila, vetëm dy kilometra lart qytezës së Memaliajt. Mësohet se dy të aksidentuarit për vdekje ishin mësues dhe po ktheheshin nga puna për në Memaliaj, kur drejtuesi i mjetit ka humbur kontrollin.
Njëri nga viktimat është identifikuar si Leonard S., 43 vjeç, i cili punonte si mësues në shkollën “9-vjeçare” të fshatit Krahës.
Njoftimi i policisë
Memaliaj/ Informacion paraprak.
Në rrugën nacionale Memaliaj-Krahës, në vendin e quajtur “Mogila”, një automjet tip Benz ka dale nga rruga dhe është përmbysur.
Si pasojë kanë humbur jetën drejtuesi i mjetit dhe pasagjeri që ndodhej në mjet.
Në vendngjarje shkoi grupi hetimor dhe po punon për zbardhjen e shkaqeve të aksidentit.
