Moderatorja Kiara Tito ditën e sotme publikoi në Insta Story një postim përmes së cilit pranoi publikisht se kishte kryer ndërhyrje.
Nga ajo çka postoi na la përshtypjen të gjithëve se është mjaft e revoltuar ndaj personave të cilët e paragjykojnë dhe i shkruajnë herë pas here se ka kryer operacione.
“Duke qenë se jam sulmuar disa herë në rrjetet sociale, më ka ardhur në majë të hundës nga të gjitha komentet tuaja. Mendoj që nuk ka asnjë gjë të keqe të ndryshosh diçka që nuk të bën të ndihesh mirë. Çdokush bën çfarë të dëshirojë me veten dhe shyqyr që kanë ardhur këto kohë. Nuk e kuptoj pse duhet të ekzistojnë akoma këto paragjykime në vitin 2019-të. Po, e pranoj që kam bërë ndërhyrje! Çfarë keni për të thënë tani?”- shkruante Kiara.
Mirëpo, në kuadër të 1 prillit e gjitha ajo çka ka shkruar, nuk ka qenë gjë tjetër veçse një gënjeshtër.
Bukuroshja ka bërë një tjetër postim, në të cilin tregon se nuk ka bërë asnjë ndërhyrje dhe se e gjitha ka qenë një shaka, ose më saktë, një gënjeshtër: “Ndonëse nuk kam bërë asnjë ndërhyrje, nuk do të thotë që jam kundra. Kjo ishte një shaka për të ironizuar të gjithë ata që komentojnë negativisht në rrjete sociale. Në qoftë se do të bëj ndërhyrje të jeni të sigurt që do e pranoj shumë krenare. Gëzuar një prillin. Paqe!”
Epo gëzuar 1 prillin atëherë të gjithëve!
