Pas pushimeve verore në bregdetin shqiptar, Beatrix Ramosaj ka udhëtuar drejt një vendi Evropiani për vizitë.
Këngëtarja e njohur e shoqëruar nga nëna e saj Antigone, po qëndron në qytetin austriak, Vjenë.
Të shumta kanë qenë edhe imazhet dhe videot e bukura të postuara nga atje të këngëtares, e cila edhe njihet për stilin unik të veshjes.
Kujtojmë se me marrjen e pushtetit nga talebanët në Afganistan, janë mbuluar me bojë posterat e modeleve në sallone bukurie në Kabul, në njërin prej të cilave ishte edhe Beatrix Ramosaj.
Së fundmi, ajo reagoi në lidhje me këtë ngjarje, duke treguar të gjitha përjetimet e saj pasi mësoi për gjithë këtë situatë.
“Shumë njerëz më kanë pyetur si ndihem për fshirjen e fotografisë sime nga vitrinat e Kabulit.
Jam pa fjalë dhe ndihem jashtëzakonisht shumë keq, jo sepse është portreti im, aty mund të ishin me mijëra vajza të tjera shumë të bukura, por sepse mendoj për të gjitha ato gra dhe vajza që tashmë s’kanë më asnjë grimcë lirie dhe mundësi për të shprehur veten.”,- u shpreh ajo ndër të tjera.
