Jennifer Lopez duket se është plotësisht e dashuruar pas partnerit të saj, ikonës së bejsbollit Alex Rodriguez. Por aktorja 48-vjeçare nuk është gati të martohet përsëri, së shpejti.
Ndërsa pozoi për numrin e ri të revistës “Harper’s Bazaar”, ajo tha se beson te martesa dhe nuk po i bën gjërat me detyrim.
“Besoj te martesa dhe dua që të plakem me dikë, në një marrëdhënie të përkushtuar. Por unë nuk po detyroj asgjë tani”, tha JLo.
Ajo është martuar tri herë deri më tani: me Ojani Noa nga viti 1997 deri në 1998-n; me Cris Judd nga viti 2001 deri në 2003-n dhe Marc Anthony nga viti 2004 deri në 2014-n.
“Është diçka e mirë, e shëndetshme, kemi një komunikim të mirë. E kuptojmë jetën e njëri-tjetrit në një pikë që të tjerët nuk do të mund ta bënin. Ne të dy jemi bërë personazhe publikë në të 20-tat dhe kemi arritur majat që në fillim. Dhe kjo ndikon në çdo dinamikë të jetës tënde, nga familja, te puna deri te marrëdhënia. Ne kemi një jetë të ngjashme”, tregon këngëtarja.
Ajo gjithashtu tha se sekreti i saj për jetën është inkurajimi:
“Është kaq i rëndësishëm. “Unë jam e re dhe e përjetshme”. Ia them vetes këtë çdo ditë, disa herë në ditë. Kjo tingëllon si një broçkull klishe, por nuk është: Mosha është e gjitha në mendjen tuaj”.
Burimi: Daily Mail
