Pasi doli pozitiv edhe në testin e 3 dhe humbi ndeshjen përballë Messit mbrëmjen e sotme, Cristiano Ronaldo ka reagur ditën e djeshme në rrjetet sociale. Ai ka postuar një foto nga shtëpia ku është izoluar, duke na siguruar se gëzon shëndet të plotë teksa ka inkurajuar shokët e skuadrës për përballjen e sotme me Barcelonën.
Por vëmendje mori komenti i tij ku shkruante se testi PCR(testi i Covid-19) është një broçkull e madhe.
“Tamponi është budallallëk”, ka shkruar Ronaldo përkrah fotos së postuar në Instagram.
Komenti i Ronaldos nuk është pritur mirë nga Roberto Burioni, virologu italian, i cili përmes një postimi në “Twitter” nuk i ka kursyes notat e ironisë ndaj futbollistit të Juventusit.
“E mirëpres kolegun tim Cristiano Ronaldo në grupin e madh të virilogëve. Do të jetë shumë i dobishëm në ndeshjen tjetër kundër okulistëve”, shkruan Burioni, i cili ka postuar edhe komentin e Ronaldos, që më pas është fshirë.
Do il benvenuto nella nutrita schiera dei virologi al collega Cristiano Ronaldo. Sarà utilissimo nella prossima partitella contro gli oculisti. pic.twitter.com/oKhmVcPSfx
— Roberto Burioni (@RobertoBurioni) October 28, 2020
Kujtojmë që Ronaldo është jashtë fushave që nga data 13 tetor dhe mungoi në përplasjen e Juventusit me Barcelonën, mbrëmjen e djeshme kur “Zonja e vjetër” humbi me rezultatin 2-0.
Lajmi për infektimin e Ronaldos, në funksion të ndeshjeve të ardhshme të kampionatit dhe mbi të gjitha për debutimin në Champions League ka ngritur një kambanë alarmi në dhomat e zhveshjes së Andrea Pirlo dhe ka irrituar drejtuesit e Juventusit.
Klubi i Andrea Agnelli, përveç shqetësimit për shëndetin e tij, ka frikë nga pasojat ligjore pas vendimit të CR7 për të mos dëgjuar këshillat e marra nga lart. Pasi dy persona në kontakt me ekipin u prekën nga Covid-19, presidenti i Juventusit në fakt u kishte kërkuar të gjithë lojtarëve të tij që të mos iu përgjigjen thirrjeve ndërkombëtare. Por, Ronaldo u largua për në Portugali për të luajtur ndeshjet e Ligës së Kombeve.
Së fundmi, ministri për Sportin Vincenzo Spadafora ka thënë se Ronaldo ka shkelur protokollin e COVID-19 dhe se për të po zhvillohet një hetim.
“Në dalje, Ronaldo nuk e respektoi protokollin.Tani për tani, ne nuk kemi ndërmend të ndalojmë futbollin profesionist, por Seria A vendosi vetë një protokoll dhe më pas nuk e respektoi atë. Virusi po na frikëson të gjithëve, andaj rregullat duhet të respektohen nga të gjithë.Cristiano nuk e ka respektuar protokollin dhe po zhvillohet një hetim për këtë”.
