Sipas një studimi të bërë së fundmi nga Agjensia Europiane e Mjedisit plazhet shqiptare renditen ndër të fundit për nga cilësia e ujit.
Ndërsa vendet e rajonit me plazhet më të mira janë Malta, Qiproja e Greqia. 84% është niveli i zonave me ujë të një cilësie që mund të konsiderohet e mjaftueshme, ndërsa 11.8% ato me ujë të pastër.
Në përfundimet e studimit janë publikuara edhe harta me grafikë sqarues, ku me ngjyrë ët kuqe janë shënuar plazhet më të ndotura që marrin notë “dobët”, me blu plazhet që marrin vlerësimin “shkëlqyeshëm?, me të gjelbër ato që vlerësohen “mjaftueshëm”.
Sipas këtij studimi plazhet më problematike i korrespondojnë disa zonave në Durrës, Vlorë e Sarandë. 12 plazhet e renditura në raport ai me cilësi jo të kënaqshme uji janë sidoqoftë më pak sesa në vitin 2016. Dhe vihen re përmirësime të dukshme krahasuar me vitin 2015.
Ky studim ëshët realizuar duke marrë një kampion uji përpara nisjes së sezonit veror, e pas kësaj të paktën 4 kampionë gjatë periudhës kur plazhet mbushen me pushues.
Analizat bëhen mbi bazën e dy parametrave mikrobiologjike: bakteret “Escherichia Coli” dhe “Enterecoccus Faecalis”, që janë tregues i derdhjes së fekaleve në det.
Burimi: Top Channel
