Donald Trump ka thënë se do të shqyrtojë një propozim për të armatosur mësuesit e shkollave në përpjekje për të parandaluar të shtënat në masë nëpër shkolla.
Presidenti amerikan ka mbajtur një seancë dëgjimi në Shtëpinë e Bardhë me të mbijetuarit në shkollën e Floridës nga sulmi i javës së kaluar dhe të tjerë të prekur nga sulmet me armë.
“Një sulm ka zgjatur, mesatarisht, rreth tre minuta. Duhen 5 deri 8 minuta për policinë që të vijë, kështu që sulmi ka mbaruar në atë kohë. Nëse do të kishit një mësues që të ishte i aftë me armët e zjarrit, ata shumë shpejt mund t’i japin fund sulmit”.
Gjatë takimit Trump gjithashtu pohoi se ai do të jetë “shumë i rreptë” në kontrollet për blerësit e armëve, si dhe çështjet e shëndetit mendor.
Ai u ul në mes të një gjysme rrethi duke dëgjuar me vëmendje, ndërsa gjashtë të mbijetuar nga sulmi i javës së kaluar dhe prindërit e viktimave nga Parkland, Columbine dhe Sandy Hook ishin aty për të diskutuar.
