Në orën 18.00, ashtu siç kishte premtuar, këngëtarja Enca publikoi bashkëpunimin më të ri muzikor me reperin Don Phenomen, që mban titullin “Kujt po i han”. Edhe këtë herë, Enca është transformuar sërish, teksa shfaqet me flokë portokalli dhe veshje shumë provokuese.
Mirëpo vetëm një orë pasi kënga u publikua në “Youtube”, reperi Noizy, i cili ka qënë një ndër bashkëpunëtorët më të ngushtë të Encës, reagoi me një varg postimesh në profilin e tij në “Instagram”.
Reperi i hitit “Toto”, ironizonte bashkëpunimin e këngëtares, teksa shfaqte imazhin e dy lopëve me mikrofon.
“Asgjë përveçse dashuri” – shkruan krahas njërës nga fotot reperi.
Menjëherë fansat, e kanë përkthyer postimin si një dedikim të qartë për Encën!
Dhe pasi dha mesazhin për ish-bashkëpunëtoren e tij, Noizy fshiu fotot nga profili i tij në Instagram.
