Amarda Toska dhe Ermal Mamaqi janë një prej çifteve më të njohur e të dashur shqiptarë. Prej shumë vitesh ata janë krah njëri – tjetrit dhe tashmë janë prindër të dy fëmijëve, Joel dhe Sia.
Por pavarësisht viteve që kalojnë Ami dhe Ermali nuk hezitojnë të shprehin publikisht ndjenjat karshi njëri-tjetrit.
Në postimin e fundit në Instagram Ami ka shprehur dashurinë me një fjali për bashkëshortin e saj në foton ku duken të dy, duke shkruar: “Me ty në krah gjithmonë”.
Gjithashtu moderatori ka postuar foto krahas bashkëshortes me mbishkrimin: “… dhe ëndrrat bëhen realitet. Amarda Toska ëndrra ime”.
Na kishin munguar dedikimet e tilla nga çifti i njohur, të cilët duken super në formë dhe shumë të lumtur krah njëri-tjetrit.
