Disa orë më parë, Rudina Dembacaj tregoi nëpërmjet një fotoje në llogarinë e saj në Instagram se ishte nisur së bashku me partnerin, Mark Frrokun, drejt një destinacioni të paditur.
Çifti shfaqej i buzëqeshur në aeroport me një valixhe pranë tyre, ndërsa të gjithë u bëmë kuriozë të mësojmë më tepër për udhëtimin e dyshes.
Rudina ka treguar në InstaStory se së bashku me partnerin ka vizituar një galeri të miqve të tyre të përbashkët, ndërsa më pas nuk ka munguar edhe një foto shumë romantike.
Në pasqyrën e lagur nga shiu, Rudina shkrepi një foto ku i dhuronte një puthje në buzë partnerit dhe nuk vonoi ta ndante pozën me ndjekësit e saj në Instagram.
Kjo është hera e parë që shohim një foto kaq intime të çiftit i cili po shijon romancën e re, të bërë publike në muajin janar të këtij viti.
Rudina dhe ish-deputeti kanë në plan të martohen së shpejti dhe të zgjerojnë familjen e tyre.
