Një ngjarje që ka tronditur qytetin e Krujës ka ndodhur pasditen e sotme, ku si pasojë e një sherri mes dy fqinjëve një prej tyre ka mbetur i plagosur.
Raportohet se ngjarja e rëndë ka ndodhur në afërsi të spitalit të qytetit në “rrugën e Lllubanëve”.
Adriatik Ishmaku, 35 vjeç, është qëlluar me armë zjarri në këmbë dhe menjëherë është dërguar në spital, ndërsa autori i ngjarjes është shtetasi me iniciale K.A.
Ende nuk dihet arsyeja e sherrit mes fqinjëve, megjithatë pritet që të zbulohet në orët në vijim. /balkanweb.com
