Kampioni francez, Paris Saint-Germain ka vendosur që të pezullojë Lionel Messin me efekt të menjëhershëm.
“RMC Sport”, raporton se pezullimi hyn në fuqi menjëherë dhe do të jetë i vlefshëm për dy javët e ardhshme.
Ky vendim i PSG-së vjen pas udhëtimit të Messit në Arabinë Saudite, udhëtim ky i cili nuk ishte autorizuar nga PSG-ja.
Kampi i Messit tani po pret vetëm për komunikatën e PSG për ta sqaruar situatën. Messi nuk do të jetë i gatshëm për të luajtur për dy javët e ardhshme, nëse shkon sipas planit të vendosur nga PSG.
