Prej Kohësh Dajana Shabani dhe boksieri Kamer Maloku kanë qenë në qendër të mediave.
Lidhja e tyre ka pasur shumë ulje-ngritje dhe të gjitha këto janë shoqëruar me bujë mediatike.
Së fundmi Dajana ishte e ftuar në emisionin “Kojshia Show” dhe aty tregoi shumë detaje nga jeta e saj personale.
Mes të tjerash tregoi se është një nënë beqare dhe burri për të është thjesht një aksesor.
“Kur gruaja është e realizuar vetë, është e shkolluar, është ekonomikisht e pavarur, mendoj që burri është thjesht një aksesor me gjithë respektin”, tregoi Dajana duke konfirmuar kështu edhe ndarjen nga boksieri Kosovar.
https://www.youtube.com/watch?v=AN7wi2Yiozg
Pas këtyre fjalëve ka reaguar edhe vetë Kameri nëpërmjet një deklarate e cila na ka habitur të gjithëve.
Nëpërmjet disa përgjigjeve për fansat në Instastory, ai ka treguar se ndarjen e ka marrë vesh nga emisioni dhe se nuk dëshiron të flasë për kategorinë e femrave që e quajnë burrin aksesor.
“Për gratë që i konsiderojnë burrat aksesor, më mirë të mos jap përgjigje”, thotë ai.
Ndërkohë i pyetur për arsyen e prishjes së marrëdhënies me moderatoren, ai tha se lajmin e ndarjes e mori vesh vetëm nga televizori.
“Sqarim për të gjithë! Portalet na ndanin çdo ditë që të klikohen. Unë o rri si duhet, o ndahem përgjithmonë. Më e reja është: Mua videon ma dërguan disa miq nga një emision që Dajana ishte live dhe aty e mora vesh që unë kisha qenë me të, por jo ajo me mua”, tregon boksieri.
Me këto fjalë ai i vë vulën muhabetit me Dajanën dhe duket se rrugët e tyre qenkan ndarë përfundimisht!
