Marsela Çibukaj dhe Vitmar Basha kanë disa vite që kanë bërë publike dashurinë e tyre. Çifti i njohur kishin menduar që këtë vit të martoheshin, mirëpo çdo plan u shty për shkak të pandemisë.
Tashmë marrëdhënia e tyre është e konsoliduar dhe ka kaluar çdo stad, aq sa janë gati të krijojnë edhe një familje bashkë. E ftuar në emisionin “December to remmber” drejtuar nga Eraldo Rexho, këngëtarja ka zbuluar dëshirën që i ka kërkuar babagjyshit të Vitit të Ri për t’i plotësuar. Marsela është shprehur se ka kërkuar që vitin e ardhshëm të ketë një bebe dhe të bëhet nënë për herë të parë.
View this post on Instagram
Do të shikojmë nëse babagjyshi do ua plotësojë këtë dëshirë çiftit të njohur, por përderisa Marsela e shprehu publikisht me siguri deri në fund të vitit të ardhshëm ata do të mbajnë një bebush në duar. Më herët Marsela dhe Vitmari kanë treguar se janë njohur rreth 8 vite më parë bashkë.
“Jemi njohur para 8 vitesh, Marsela drejtonte një emision, ishte thjesht diçka aty, pastaj unë e kam parë te “The Voice”. Në mars të 2018 unë bëra hapin që fillova duke e kërkuar. U takuam në një lokal, më pëlqeu si ishte veshur. Dolëm për kafe dhe më pas filluam të shkruheshim”, ka treguar Vitmari në një emision.
